A ministra de Sanidade, María Luisa Carcedo, indicou este xoves que os médicos en España fórmanse dentro do Sistema Nacional de Saúde e tardan 11 anos, polo que non "hai maxia, non podemos dicir botamos uns polviños e aparecen prazas de formación de especialistas".
"Isto non funciona así", insistiu Carcedo en RNE ao ser preguntada pola petición da Xunta de Galicia de que se convoque un MIR extraordinario para paliar o déficit de especialistas.
"Maxia nós non podemos inventar, non podemos dicir que vaian formarse 800 novos especialistas, ¿onde?", incidiu a ministra que recordou que para a actual convocatoria -cuxos exames terán lugar este sábado-, incrementouse un 6 % as prazas.
Ademais, está a traballarse bilateralmente con cada unha das comunidades para "explorar ao máximo as posibilidades" e xa se identificaron 666 novas prazas que se incorporarán ao sistema MIR do próximo ano.
Carcedo achacou a carencia de especialistas a unha "evidente" falta de previsión "nestes anos" por parte da Administración central e "en parte tamén" das comunidades autónomas.
