As choivas volverán a Galicia durante a fin de semana e axudarán a paliar a vaga de lumes que afecta estes días á comunidade, aínda que só chegarán en forma de tormentas especialmente no interior da metade sur.
Segundo a predición de Meteogalicia, na tarde do sábado, 30 de marzo, espéranse chuvascos localmente tormentosos no interior de Ourense e o sur da provincia de Lugo. Xa na tarde do domingo, prevense tormentas no interior e zonas de montaña das provincias de Pontevedra, Ourense e sur de Lugo.
A partir deste venres os ventos soprarán frouxos, o que se manterá durante o fin de semana, tras uns días nos que vento do nordeste axudou á propagación do lume e dificultou as tarefas de extinción. Así mesmo, as temperaturas seguirán sen cambios proximamente.
