Un home que responde as iniciais de J.A.M.C. foi condenado este xoves a un ano e un día de inhabilitación especial para o exercicio de profesión, oficio ou comercio que teña relación cos animais e a tenencia de animais logo de recoñecer que abusara con carácter libidinoso dunha egua en Vegadeo.
A vista oral ía a celebrase no Xulgado do Penal Número 1 de Avilés, pero tras chegar a un acordo de conformidade entre a defensa e a fiscalía, o xuízo non tivo lugar e o acusado aceptou os feitos que se lle imputaban e o Fiscal rebaixara a petición de pena de prisión a tres meses e un día, pero tras petición da defensa, e non ter antecedentes penais, o Fiscal aceptou retirar a pena de prisión da condena.
Os feitos, segundo o escrito fiscal, sucederon o 17 de decembro de 2017 ás 17.00 horas, cando o acusado accedeu a unha leira na localidade de Montouto en Vegadeo, onde atou a unha árbore a unha egua nunha zona de certo desnivel, baixouse os pantalóns e introduciu o seu brazo na vagina do animal de xeito brusco, ata que foi sorprendido pola propietaria da egua e o seu esposo.
Como consecuencia destes feitos, a egua, que se atopaba en avanzado estado de xestación, sufriu lesións consistentes en traumatismo vaginal e pequenos rachos da muscosa. O acusado terá que facerse cargo das costas procesuais e non poderá delinquir nos próximos dous anos.
