Os casos activos de covid-19 en Galicia continuaron en descenso no último día, cando caeron a 1.851, mentres os hospitalizados con esta enfermidade se mantiveron en 84. Segundo os datos actualizados este domingo pola Consellería de Sanidade, con rexistros ata as 18.00 horas deste sábado, as persoas coa enfermidade activa reducíronse en 94, ata 1.851 na última xornada, logo de caer este sábado por baixo de 2.000, unha cifra que se superou desde o pasado 20 de agosto de 2020.
Ademais, os contagios detectados con probas diagnósticas de infección activa (PDIA) en 24 horas caeron a 74 logo de que repuntaran ata superar o centenar na anterior xornada. Non se rexistraba unha cifra tan baixa de positivos nun día desde o 5 de agosto de 2020, cando foran 46, segundo os datos do Sergas. E este domingo, do mesmo xeito que o sábado, o Sergas non notificou ningún falecemento por covid-19.
VACINACIÓN. Sanidade iniciou este domingo na Cidade da Cultura a unhas 3.400 persoas da franxa de idade de 40 a 49 anos para recibir a primeira dose da vacina contra a covid-19.
Fontes do Sergas informaron a Efe de que este tramo de idade é posiblemente o máis numeroso en toda a comunidade autónoma ao que se lle administrará a vacina. A previsión é que a reciban 400.000 persoas aproximadamente.
A vacinación para o tramo comprendido entre os 40 e 49 anos comezou en Santiago e se extenderáal resto da comunidade ao longo desta próxima semana.
MENORES DE 40. Ademais, o conselleiro de Sanidade, Julio García Comesaña, mostrouse confiado nunha entrevista na Radio Galega de que os traballadores esenciais que recibiron a primeira dose de AstraZeneca poidan completar a pauta "en dúas semanas" e insistiu en que nalgunhas áreas sanitarias a preferencia destas persoas con menos de 60 anos por esta vacina alcanzou o "95%".
Respecto da vacinación do colectivo de entre 40 e 49 anos, que se iniciou este domingo, indicou que esta previsto que en xuño reciban todo o grpo a primeira dose en xuño e complétese a pauta en xullo, cando se prevé que tamén se comece a convocar aos menores de 40 anos e a permitirse programar as citas.
Tras indicar que esta semana se recibirán 140.000 dose de Pfizer, un 12% menos das previstas, insistiu en que o Sergas só administrará a vacina dunha soa farmacéutica por recinto e día para facilitar a loxística.
