Un incendio rexistrado onte á noite nunha zona forestal do municipio ourensán de Viana do Bolo foi controlado tras queimar unhas 25 hectáreas de terreo, informou este martes a Consellería do Medio Rural.
O lume comezou cara ás 23:00 horas do luns procedente da veciña provincia de Zamora, propagouse pola parroquia de Ramilo e foi controlado ás 11:16 horas deste martes, precisa o citado departamento da Xunta, que cría inicialmente que arrasara medio centenar de hectáreas.
Finalmente, o incendio foi extinguido ás 14:46 horas, engadiron e calcularon que queimou aproximadamente a metade, é dicir unhas 25 hectáreas de terreo.
Nos labores de extinción están implicadas sete brigadas e catro axentes con axuda dun camión motobomba e dun helicóptero.