Un desprendemento de terra provocou o peche da vía ferroviaria entre Tui e a localidade portuguesa de Valença do Miño, informaron fontes de Renfe.
O corte produciuse ás 11.25 horas e desde entón Renfe estableceu un plan alternativo de transporte para os servizos afectados. Este consiste en transbordos por estrada para os usuarios dos trens procedentes do Porto e de Tui.
Esta é a terceira incidencia en Galicia que Renfe relaciona co temporal das últimas xornadas na comunidade.
Desde o luns permanece interrompido o tráfico ferroviario entre Ourense e Vigo por unha deformación da vía causada por unha focha, e esta pasada madrugada descarrilou un tren en Pantón por outro desprendemento de terra e pedras, no que o maquinista resultou ferido.
Cortada a vía ferroviaria entre Tui e Valença por un desprendemento de terra
O corte produciuse ás 11.25 horas e desde entón Renfe estableceu un plan alternativo de transporte para os servizos afectados
