Non é moi habitual atoparse en Galicia exemplares da chamada bolboreta da morte ou bolboreta caveira. Este lepidóptero (Acherontia Atropos), famoso pola súa aparición no cartel de O silencio dos cordeiros, ten como gran peculiaridade o debuxo da parte dorsal do seu tórax: unha mancha amarelada que recorda a unha caveira. É a isto, e non ao seu perigo, do que carece, ao que debe o seu nome.
É Enrique MartínezNo verán emigra desde África a Europa e en setembro-outubro regresa. "Na zona da ría de Noia é practicamente unha rareza, como en toda Galicia, pero esta pasada noite coincidiu o paso dun grupo de varios centos ou poida que miles de exemplares desta e outras especies de gran tamaño como son a esfinxe do aligustre (Sphinx ligustri) e esfinxe da correhuela (Agrius convolvuli)", explica Martínez. Algúns exemplares incluso chegaron a pousárselle sobre a roupa.
No pasado víronse tamén nalgunhas zonas de Ourense ou de Lugo, como Portomarín ou Castro de Rei.
