Decenas de estudantes manifestáronse este luns na capital galega para pedir a inhabilitación do profesor da Universidade de Santiago (USC) Luciano Méndez Naya, que defendeu en varios vídeos colgados nas súas redes sociais que a vítima da Manada "distrutou" e que os procesados deberían ser absoltos.
"Luciano Méndez Naya, fóra dás aulas", "Aquí non hai perdón, inhabilitación" ou "Fóra machistas da USC" foron algunhas das consignas coreadas polos manifestantes, que continuaron a protesta no interior do reitorado da universidade.
Protestas contra el profesor de la universidad de Santiago que denigró a la víctima de 'La Manada' https://t.co/8WKRUB7REC pic.twitter.com/bUNFFqPIgv
— Antena3Noticias (@A3Noticias) 14 de mayo de 2018
Méndez Naya –que en 2016 foi sancionado por realizar un comentario sobre o escote dunha alumna– volveu a semana pasada ao foco mediático tras publicar varios vídeos nos que defendía a inocencia dos cinco condenados. Tras as polémicas declaracións, a USC abriu expediente ao docente, co obxectivo de que a Fiscalía decida se existe delito de odio nas súas palabras.
