A Policía Local de Vigo detivo un mozo lucense de 20 anos por un delito de violencia de xénero despois de que losquease e empuxase á súa noiva durante unha discusión por motivos "económicos". Os feitos producíronse pasadas as doce da noite deste mércores. Foi entón cando a Policía recibiu unha chamada alertando dunha situación de malos tratos.
O agora detido é D.S.A., natural da provincia de Lugo e con domicilio na cidade olívica, relatou aos axentes que acudiron ao lugar que discutira coa súa noiva, coa cal convive, por asuntos de diñeiro derivados da falta de traballo. Tamén recoñeceu que nun momento da rifa chegara a losqueala e a empuxala.
Os policías entrevistáronse coa súa parella, unha moza de 18 anos, quen confirmou o motivo da discusión e alegou que ela se defendera da agresión e que non tiña intención de presentar denuncia.
