A Policía Nacional detivo en Vigo a un varón de 43 anos que foi sorprendido circulando no seu vehículo de forma temeraria polas rúas do centro e que se negou a someterse ás probas de detección de drogas e alcol.
Os feitos, informan fontes oficiais, tiveron lugar a última hora da pasada madrugada, cando varias dotacións policiais foron informadas de que un vehículo de alta gama realizara un cambio brusco de sentido na rúa Arenal.
O condutor fixera derrapar o vehículo, pondo en perigo ao resto dos usuarios da vía e aos viandantes.
Minutos más tarde, a Policía Local alertou de que un automóvil que coincidía co que buscaban circulaba pola rúa Lópz Mora a gran velocidade, polo que varias patrullas dirixíronse cara ás posibles rutas de saída.
Finalmente, o coche foi localizado na rúa Vilagarcía de Arousa, onde os axentes lograron cortarlle o paso.
O condutor amosou a súa negativa a someterse ás probas de detección de drogas e alcol e foi informado de que dita negativa é constitutiva de delito. Ademais, durante unha revisión do vehículo a Policía localizou que parecía ser unha landra de hachís.
O home, ao que se lle imputa un presunto delito contra a seguridade do tráfico, foi detido e trasladado a dependencias policiais, mentres que o vehículo foi levado ao depósito municipal.
Detido un condutor por circular de forma temeraria polo centro de Vigo
O home negouse a realizar a proba de alcol e drogas. Durante a revisión do vehículo, a Policía localizou unha landra de hachís
