A Dirección Xeral de Tráfico (DXT) prevé uns 600.000 desprazamentos de longo percorrido polas estradas de Galicia e a súa área de influencia con motivo da ponte de Todos os Santos.
En concreto, segundo a DXT, espérase que Galicia abarque en torno ao 10% dos 6.000.000 de desprazamentos que se esperan en toda España durante este operativo, que estará activo ata a medianoite do domingo, día 4 de novembro.
Por vías, as estradas galegas nas que se esperan as maiores intensidades de tráfico neste período serán a AP-9, a A-6, a A-52, a A-55, a N-550 e a N-634.
A DXT indicou que os momentos de maior concentración de circulación, nos que se recomenda que se evite circular, serán entre as 16.00 e as 22.00 horas do mércores 31, en sentido saída, e entre as 16 e as 23 horas do domingo, no retorno. Ademais, espéranse altas concentracións, sobre todo, entre as 10.00 e as 14.00 horas do día 1, entre as 19.00 e as 21.00 horas do día 2 e entre as 10.00 e as 1.003 horas do sábado 3.
