A realización de probas de PCR entre os usuarios da residencia DomusVi, no municipio lucense de Outeiro de Rei, permitiu detectar 94 novos casos positivos entre os maiores residentes, polo que o número de contaxiados pasou nunha soa xornada de 45 a 139.
Ademais, deron positivo nese mesmo centro, segundo os últimos datos –actualizados polos propios centros residenciais–, outros cinco traballadores dese mesmo complexo, de modo que o número de positivos na persoal do centro de maiores elévase agora a 14. A Xunta xa anunciou este martes que non descarta intervir a residencia
O INCIO A situación estabilízase, en cambio, na residencia do Incio, onde 81 usuarios seguen infectados por Covid-19, do mesmo xeito que 33 traballadores do propio centro.
Tamén deron positivo por Covid-19 un traballador da residencia DomusVi de Monforte de Lemos e outro da Residencia de Maiores San Bartolomeu, en Xove.
Por outra banda, o xerente do Policlínico Lucense (Polusa), Javier Atanes, informou de que todos os traballadores do persoal serán sometidos este martes a probas PCR para descartar posibles contaxios por coronavirus entre o persoal, despois de que dez usuarios da Unidade do Maior deste centro desen positivo.
En canto situación clínica das dez persoas infectadas por Covid-19, subliñou aos medios de comunicación que non se produciron cambios nas últimas horas, de modo que se mantén "estable".
LUGO. Antes de coñecerse o incremento de casos na residencia de Outeiro, a tendencia en Lugo parecía reverterse. Así, con datos ata as 00.00 horas, os casos activos descenderan na provincia ata 801, 15 menos que un día antes. A eles habería que sumarlles agora os 99 novos positivos detectos na DomusVi Lugo.
Esa tendencia que recollía o balance facilitado polo Sergas e que xa quedou desactualizado serve, no entanto, para constatar un descenso notable do brote xurdido nun pub de Lugo.
A presión hospitalaria tamén se reduce, ao reducirse de cinco a catro os pacientes ingresados na Uci. Ademais, tamén baixan os hospitalizados en planta. Son 50 (cinco menos que o luns), dos que tres están no Hospital da Mariña, dous no de Monforte, dez no Polusa e o resto no Hula.
GALICIA. A tendencia á que apuntaba Lugo ata o repunte na residencia de Outeiro tiña tamén a súa continuidade no balance galego, que tampouco contabiliza os datos da residencia DomusVi. Así, nas últimas horas detectáronse 161 novos positivos por coronavirus nas últimas 24 horas, unha cifra que supuña baixar da barreira dos 200 logo de sete días consecutivos de caída. Ademais, o total de casos activos habían descendido en 13, ata
O último parte, elaborado con información recollida a última hora do luns, contabiliza que se curaron da Covid-19 na comunidade galega un total de 13.965 persoas, que son 173 máis que as que constaban un día antes.
Por áreas sanitarias, a de A Coruña mantense como a que rexistra o maior número de casos activos, con 1.413 (11 menos). Tamén baixan as persoas que padecen a enfermidade nas áreas sanitarias de Lugo, que contabiliza 801 casos activos (15 menos), e na de Santiago, con 662 (baixan en 26).
No lado contrario, o resto de áreas continúan á alza. A que máis sobe nos casos activos é Pontevedra, ata os 371 (+28); seguida de Ferrol, que contabiliza 170 infectados (+11); Ourense, con 467 (+8); e Vigo, con 346 casos (+2).
O número de mortos que deixa a pandemia en Galicia é de 663, un máis que as vítimas que figuraban na actualización anterior, tras notificarse este martes o falecemento dunha muller de 80 anos con patoloxías previas na residencia Orpea Coruña, en strong <>Culleredo (A Coruña).
Os datos facilitados este martes pola Xunta sinalan que ata o momento realizáronse un total de 369.998 probas PCR na comunidade, 2.658 máis que no parte do luns.
OUTRA VÍCTIMA. Un falecemento producido nas últimas horas na residencia de maiores Orpea Coruña, en Culleredo, eleva as vítimas da pandemia a 663.
Segundo informan a Europa Press fontes sanitarias trátase dunha muller de 80 anos. A vítima contaba con patoloxías previas.
