O prezo da vivenda libre en España en termos reais, descontando a inflación, subiu no primeiro trimestre de 2015 un 0,9 %, mentres que en Galicia baixou un 2,29 %, segundo o Ministerio de Fomento.
Sen descontar a inflación, o prezo da vivenda libre en España baixou un 0,11 por cento ata situarse en 1.457,9 euros/m2 durante o primeiro trimestre do ano, protagonizando o menor axuste que rexistra este indicador desde que estalou a crise, segundo os datos publicados hoxe.
Sete Comunidades autónomas rexistraron crecementos do prezo da vivenda, a que máis, Canarias, cun 3,56 % e a que menos, Andalucía, un 0,05 %.
Pola contra, no resto aínda se mostran caídas interanuais, desde o 6,53 % de Asturias, ao 1,35 % de Murcia.
O Ministerio recorda que, segundo a serie histórica desta estatística, o prezo medio por metro cadrado descendeu un 30,4 % desde o seu nivel máximo, alcanzado no primeiro trimestre de 2008, que foi do 36,3 % en termos reais, incluíndo a variación do IPC.
O prezo da vivenda libre baixa en Galicia un 2,29% e sobe en España case un punto
O prezo medio por metro cadrado descendeu un 30,4 % desde o seu nivel máximo, alcanzado no primeiro trimestre de 2008
