O rebentón da roda dun camión cisterna interrompeu hoxe a circulación nun carril da AP-9 próximo a Compostela, informou a central que coordina as urxencias en Galicia.
O transporte ía cargado con 28.000 litros de gasóleo e 4.000 de gasolina e o contratempo que sufriu rexistrouse antes da saída de Milladoiro, nun tramo desta vía que se atopa en obras.
A pesar de que o vehículo estaba na beiravía, este obstaculizou a circulación no carril dereito, segundo informou o propio condutor ao 112.
Tras o aviso, alertouse á Garda Civil e ao propio persoal da autoestrada, acerca deste feito no que non houbo feridos.
O rebentón da roda dun camión interrompe a circulación na AP-9
O suceso tivo lugar nun punto próximo a Compostela, onde o vehículo obstaculizou un dos carrís da vía
