Neve a partir de mil metros, vento forte na costa e temperaturas en lixeiro ascenso son algunhas das notas do tempo previsto para este domingo por Meteogalicia, logo dun sábado no que as nevadas foron protagonistas en boa parte de Galicia, especialmente no interior de Lugo, Ourense e Pontevedra, complicando a circulación en moitas estradas.
O instituto meteorolóxico prognostica que persistirá certa inestabilidade na atmosfera sobre Galicia que levará unha alternancia de nubes e claros, con chuvascos máis probables canto máis ao norte. Con todo, a cota de neve manterase sobre os 1.000 metros de altitude –o sábado estivo sobre os 400– e as temperaturas experimentarán un lixeiro ascenso nos valores mínimos e moderado nos máximos, despois de que na xornada anterior chegásese aos 7,5 graos baixo cero na cabeza de Manzaneda e A Veiga. Na costa haberá ventos de compoñente norte, moderado en zonas do interior e forte na costa con refachos moi fortes.
INCIDENCIAS LEVES. O peor do temporal de neve e frío que azouta a Galicia xa pasou e a alerta laranxa decretada desde o venres a última hora xa foi desactivada. Non houbo consecuencias graves, aínda que a neve dificultou este sábado a circulación en varias estradas galegas, especialmente nas do interior de Lugo, Ourense e Pontevedra.
En Pedrafita do Cebreiro (Lugo) foi obrigatorio o uso de cadeas e quedou prohibida agora a circulación de vehículos articulados na LU-633 que comunica con Triacastela, mentres que a comarca do Deza (Pontevedra) tamén foi necesario circular con precaución, especialmente na AG-53 entre Lalín e o Alto de Dozón. Ademais, a estrada que une Forcarei e Cerdedo estivo cortada pola acumulación de neve.
As dificultades tamén foron manifestas en puntos da LU-540 á altura de Muras, desde o quilómetro 26 ao 34 en ambos os sentidos, na A-8, á altura de Abadín, entre os quilómetros 544 e 550, e na AG-64 á altura de Vilalba, entre os quilómetros 43 e 55 en ambos os sentidos de circulación, por pavimento deslizante. Varios núcleos do Incio e doutros municipios quedaron da montaña lucense quedaron incomunidados.
Aínda que Lugo e Ourense son as que está a sufrir as peores consecuencias, no interior pontevedrés rexistráronse 43 incidencias desde a madrugada do sábado, máis que en ningunha outra provincia.
En Ourense rexistráronse doce incidencias e fíxose obrigatorio o uso de cadeas na cabeza de Manzaneda, na OU-0704, onde o GES de Castro Caldelas tivo que rescatar pola mañá a dúas persoas atrapadas co seu turismo na estrada. E aínda que a alerta laranxa por neve non afectaba á Coruña, houbo 25 avisos ao 112 e o xeo dificultou circular en Ordes, Melide e Cerceda. Neste último municipio, un home, que resultou ferido leve, sufriu por esta causa unha saída de vía co seu vehículo na vía que une Culleredo co Mesón do Vento.
O GES de Castro Caldelas tivo que rescatar pola a dúas persoas atrapadas nun turismo na cabeza de Manzaneda
TEMPORAL ATA O LUNS. Ao longo do sábado a cota de neve foi ascendendo progresivamente, desde os 400 metros ata situarse nos 800. Os termómetros marcaron temperaturas baixo cero en moitos puntos de Galicia. Ata os 7,5 graos baixo cero chegouse na Veiga e Cabeza de Manzaneda; en Carballeda de Valdeorras a mínima foi de -6,8 e no Cebreiro, de -4,5. Nas cidades galegas rexistráronse desde uns agradables 5 e 3,6 graos na Coruña e Pontevedra aos xa máis xélidos 1,3 e 0,6 graos de Santiago e Lugo.
O temporal de frío e neve está previsto que afecte a Galicia polo menos ata o luns.
