Efectivos da Garda Civil investigan o asalto producido a última hora do mércores nunha vivenda da parroquia de Beluso, en Bueu, cando dous individuos entraron co rostro cuberto e intimidaron os seus habitantes para roubarlles. Unha vez no interior, os dous atracadores amordazaron e ataron ao matrimonio de sesaxenarios que reside na casa —o propietario é un armador—, na que se atopaban tamén unha filla da parella e dous netos, un deles recentemente nado.
Unha vez inmobilizados todos, os cacos percorreron as dependencias en busca de obxectos de valor e diñeiro, causando danos materiais. Conseguido o que buscaban, emprenderon a fuxida cun botín de xoias e efectivo.
Ao parecer, a maior das mulleres sufriu unha ferida de escasa consideración e necesitou asistencia médica.