Unha muller tivo que ser excarcerada en Portas a última hora do venres tras sufrir un accidente co seu vehículo. Concretamente, circulaba polo lugar do Liñar, no municipio pontevedrés, ao redor das 20.30 horas, cando sobreveu o sinistro.
Na liberación da vítima, atrapada no interior do turismo, participaron efectivos dos Bombeiros do Salnés. Posteriormente, foi trasladada polos equipos de urxencias sanitarias desprazados ao lugar ao Hospital Domínguez.
ACCIDENTE EN RIBEIRA. Ademais deste suceso, o 112 informa doutro contratempo de tráfico ocorrido un par de horas antes, ao redor das 18.30, no municipio coruñés de Ribeira e no que tres persoas resultaron feridas. Ocorreu, concretamente, nun punto da estrada que une Martín e Castiñeiras.
