Un incendio forestal declarado na noite do domingo na parroquia de Requiás no municipio ourensán de Muiños quedou extinguido na madrugada deste luns tras queimar 2,5 hectáreas no Parque Natural Baixa Limia-Serra do Xurés.
Segundo informou a Consellería do Medio Rural, este lume comezou ás 21,05 horas deste domingo e quedou extinguido á 1,56 horas tras afectar a 2,5 hectáreas de monte raso.
Para a súa extinción foron mobilizados tres axentes, seis brigadas e catro motobombas, concretou o departamento autonómico de Medio Rural.