Un home de 43 anos, V.D.F., faleceu este sábado tras sufrir un accidente de tráfico coa súa motocicleta en Maceda (Ourense), informou o servizo de urxencias médicas 061. O suceso ocorreu pasadas as 13.00 horas á altura do alto do Rodicio.
Ao lugar do accidente desprazouse unha ambulancia asistencial, así como un helicóptero do 061 e persoal sanitario da PAC de Maceda. Con todo, o home faleceu no punto a pesar dos esforzos dos equipos sanitarios.
