Unha muller morreu na Peroxa logo de ser alcanzada por un turismo no lugar da Pousa.
O Centro Integrado de Atención ás Urxencias (CIAE) 112 Galicia tivo coñecemento do suceso ás 13:30 horas tras a chamada de alerta do condutor implicado no accidente. Indicaba que a muller presentaba lesións graves e necesitaba asistencia médica urxente.
Deste xeito, desde o CIAE 112, pediuse a colaboración dos profesionais do 061-Urxencias Sanitarias, que valoraron enviar á zona o helicóptero medicalizado con base en Ourense, anulado minutos despois cando se confirmou o falecemento da muller.
Ademais dos servizos sanitarios de urxencia, foron avisados os bombeiros do Carballiño, que descartaron intervir unha vez confirmado que a vítima estaba liberada e accesible.