Unha persoa faleceu na mañá deste xoves en Lugo ao ser atropelada por un tren na entrada da estación de Lugo. En concreto, segundo informa o servizo de atención ás urxencias, no punto quilométrico 431,800, entre Ponte da Chanca e o paso superior da N-640.
O 112 Galicia tivo constancia do ocorrido ao fío das 7.20 horas, a través do persoal de Adif. Deseguido informou ao 061-Urxencias Sanitarias, aos bombeiros de Lugo, a Policía Local e Nacional e a Agrupación de Voluntarios de Protección Civil da cidade, pero unha vez no lugar os servizos sanitarios tan só puideron confirmar o falecemento da persoa atropelada.
