Un home de 76 anos de idade perdeu a vida ao sufrir un accidente co seu tractor nunha leira privada de San Xulián de Vilaboa, no municipio da Pontenova.
O sinistro rexistrouse sobre as once da mañá deste xoves, cando a vítima conducía o seu tractor e envorcou. O home fora a axudar a uns veciños a retirar unhas laxas e sufriu o accidente cando saía da leira cara á estrada.
Ata o lugar dos feitos desprazáronse efectivos do GES da Pontenova, que excarceraron á vítima xa sen vida.