O secretario xeral do PSdeG, José Ramón Gómez Besteiro, en nome de todos os socialistas galegos, expresou a inmensa dor que supón a noticia do repentino falecemento de Rubén Pérez, concelleiro socialista en Piñor que soamente tiña 36 anos.
O partido traslada, a través dun comunicado, as súas condolencias e apoio aos familiares e amigos do falecido e a compañeiros da provincia de Ourense, especialmente ao grupo socialista de Piñor, logo da inesperada morte dun home "comprometido cos valores socialistas e que traballaba por eles á beira dos veciños".
O corpo sen vida do concelleiro foi atopado polos seus pais este mércores, na casa familiar situada en Fontelo. Por agora descoñécense as causas da morte, á espera de que lle practiquen a autopsia.
Falece un concelleiro socialista de Piñor
A dirección do PSdeG expresou as súas condolencias pola repentina morte de Rubén Pérez, de 36 anos
