Unha persoa faleceu este luns posiblemente por mor da acumulación de gases procedentes do mal funcionamento dunha cociña de leña na súa vivenda no municipio da Estrada.
Segundo os datos facilitados polo 112 Galicia a Europa Press, o suceso tivo lugar sobre as 13.00 horas deste luns nunha vivenda situada no lugar de Santa Baia, na parroquia estradense de Matalobos.
Foi o 061 quen alertou ao 112 Galicia dunha persoa falecida posiblemente debido a inhalación de monóxido de carbono por mor dunha cociña de leña.
Por iso se mobilizou á Garda Civil, Policía Local, GES de Estrada e bombeiros. Ao chegar os servizos de urxencias indicaron que a cociña "non tiraba ben" e encheuse de fume a vivenda.
