jueves. 23.09.2021 |
El tiempo
jueves. 23.09.2021
El tiempo

Feijóo tomará posesión no Hórreo pero renuncia ao tradicional acto no Obradoiro

Toma de posesión de Feijóo en 2016 en el Obradoiro. ARCHIVO
Toma de posesión de Feijóo en 2016 no Obradoiro. ARQUIVO
Houbo acto civil en 2009 e en 2016, pero non en 2012 pola crise que atravesaba España

O presidente da Xunta, Alberto Núñez Feijóo, tomará posesión do seu cargo este sábado nun acto que acollerá o Parlamento galego e no que, se mantén o guión das tres veces anteriores, recorrerá á fórmula da promesa. Farao tras quedar investido presidente este xoves co apoio da maioría absoluta de 42 escanos que suma o PPdeG na Cámara. 

Pero se a Covid-19 marcou o seu discurso e o ambiente dos actos protocolarios do arranque desta XI Lexislatura, tendo en conta que non houbo invitados na tribuna do hemiciclo galego, tamén condicionará a parte máis civil da toma de posesión, que adoitaba traducirse nun evento na Praza do Obradoiro. 

Na mesma xornada na que a Xunta adoptou novas restricións para varias localidades, entre elas a capital galega, fontes da Xunta confirmaron a Europa Press que o tradicional acto do Obradoiro –posterior á toma de posesión na Cámara– non se celebrará "por unha cuestión de responsabilidade" dada a actual situación. 

As gaitas si soaron no Obradoiro no ano 2016 e tamén houbo acto civil en 2009, cando Feijóo logrou a súa primeira vitoria electoral. 

Con todo, en 2012, Feijóo tamén optou por prescindir deste acto dada a situación de dificultade que, por mor da crise, afectaba a Galicia e ao conxunto de España. 

Feijóo tomará posesión no Hórreo pero renuncia ao tradicional acto...
comentarios