Unha muller, veciña de Cerdedo-Cotobade, resultou ferida este martes tras sufrir un accidente ao caer por un precipicio co vehículo no que viaxaba no termo municipal de Pontevedra, no lugar da Soldada.
Ocorreu sobre as 17.30 horas, segundo informa o 112, cando a propia condutora chamou para pedir axuda, indicando que acababa de sufrir un sinistro e atopábase ferida. Ademais, pensaba que podía estar atrapada.
O 112 alertou ao 061, aos bombeiros de Pontevedra, axentes da Garda Civil de Tráfico e membros de Protección Civil da localidade, pero finalmente non foi precisa a excarceración.
Con todo, os bombeiros si tiveron que rescatar en padiola á ferida, que se atopaba a 70 metros da estrada, e posteriormente foi trasladada ata onde se localizaba o persoal sanitario. Foi evacuada ao Hospital Montecelo de Pontevedra.
