Un home resultou ferido este domingo en Bueu tras cravarse na perna un arpón cando practicaba pesca submarina, informou o servizo de urxencias 112 Galicia. Os feitos sucederon despois do mediodía na praia de Mourisca.
Un particular deu a alerta ao servizo 112, ao que indicou que o home saíra da auga polos seus propios medios e que presentaba lesións de consideración nunha perna tras cravarse un arpón co que estaba a pescar.
O servizo 112 alertou a urxencias sanitarias, que se fixeron cargo da atención e evacuación do ferido.