O condutor dun turismo resultou ferido de gravidade este sábado ao saírse da vía o vehículo no que circulaba en Oza-Cesuras. Ante a gravidade das lesións, o 061 mobilizou un helicóptero medicalizado ata o lugar, na estrada DP-2602 á altura do lugar da Lamela. O condutor foi trasladado a un hospital no helicóptero.
O sinistro ocorreu preto das 18.15 horas, momento no que un particular contactou co 112 Galicia para alertar do accidente. Recibido o aviso, a central alertou ao 061-Urxencias Sanitarias, á Garda Civil de Tráfico, GES de Curtis e Bombeiros de Betanzos.
