Un mozo resultou ferido este martes pola tarde nunha aparatosa saída de vía ocorrida na estrada que une Paraxes con Lourenzá (LU-112) ao seu paso pola parroquia pastoricense de Crecente, no quilómetro 3,900.
O suceso ocorreu ao redor das sete da tarde cando o mozo, que viaxaba nun BMW con matrícula MA-6620-CU en dirección a Meira, saíuse da vía nunha curva por causas que se descoñecen. O vehículo cruzou a estrada e acabou chocando contra unhas árbores, quedando atrapado debaixo das ramas.
Ata o lugar trasladáronse axentes do Subsector de Tráfico de Lugo, persoal de mantemento de estradas e unha ambulancia, que trasladou o mozo, consciente e cunha posible rotura de brazo, a un centro hospitalario da capital lucense.
