Galicia arrinca a semana con ceos despexados e subida das máximas. As altas presións continuarán este luns entre Azores e Galicia, de forma que a xornada caracterizarase por ceos parcialmente nubrados no norte de A Coruña e de Lugo, quedando máis despexados na metade sur.
As temperaturas mínimas non terán cambios significativos e as máximas estarán en lixeiro ascenso. O vento soprará frouxo do nordeste, máis intenso entre Estaca de Bares e Fisterra.
Temperaturas mínimas e máximas
A Coruña 11° 20°, Ferrol 10° 21°, Lugo 9° 25º, Ourense 10° 31°, Pontevedra 11° 27°, Santiago 11° 25° e Vigo 12° 25°.