Galicia é a comunidade con máis falecidos por ahogamiento no que vai de ano –ata o 15 de agosto–, cun total de 31 mortes (14% do total), segundo datos da Real Federación Española de Salvamento e Socorrismo no seu informe nacional.
Así, séguenlle Canarias, con 30 ahogamientos e o 13,5% do total; Andalucía, 29 falecidos e o 13,1% do total; Cataluña, 25 e o 11,3% e Valencia, con 22 afogados e o 9,9% do total.
Baleares rexistrou 20 falecementos, o 9%; País Vasco once, o que comporta o 5% do total e Asturias nove falecidos, o 4,1% de todas as ocorridas. Pola súa banda, en Castela e León perderon a vida oito persoas, o 3,6% do total; en Aragón e Castela-A Mancha sete persoas, o que corresponde o 3,2% a cada unha e en Madrid e Murcia seis persoas, o 2,7%.
Para rematar, Cantabria rexistrou catro mortes por ahogamiento, o 1,8% do total; Navarra tres, o 1,4%; Estremadura dous, o 0,9% e A Rioxa e Ceuta un falecido cada unha, o que significa o 0,5% do total. Melilla é o único territorio que non rexistrou ningún suceso mortal destas características.
CIFRAS TOTAIS. Un total de 36 persoas faleceron afogadas en espazos acuáticos nos primeiros 15 días de agosto, o que comporta un falecemento máis que no mesmo período de 2017, cando morreron 35 persoas.
A cifra de afogados desde o comezo de ano e ata o momento ascende a 222, un 34,9% menos de vítimas mortais que o acumulado na mesma data do ano anterior, xa que o número de falecidos situouse en 341.
No entanto, a pesar de que o atraso no uso dos espazos acuáticos polo mal tempo diminuíra o número de falecidos por ahogamiento, o mes de xullo é o que máis falecidos por ahogamiento rexistrou no que vai de 2018, con 60 óbitos.
PERFIL DA PERSOA AFOGADA. O perfil da persoa falecida por ahogamiento corresponde a un home nun 76%, de nacionalidade española nun 74% e de 65 anos ou máis nun 41,9%. Esta cifra elévase un 36,1%, ata alcanzar o 78%, se é a partir dos 35 anos.
Un 46% faleceu nunha praia e un 42% noutro espazo acuático que non é unha piscina, como ríos, pantanos, canles, portos ou balsas. Non había vixilancia ou servizo de socorrismo nun 83% dos casos e o óbito sucedeu entre as 10.00 e as 22.00 horas nun 78,8%.
