A Consellería de Sanidade informou este martes de que o número total de contaxiados en Galicia é de 1.374 (204 máis que o luns).
Por áreas, 359 son da da Coruña, 97 da de Lugo, 152 en Ourense, 179 en Pontevedra, 312 na de Vigo, 239 en Santiago e 36 en Ferrol.
O número de falecidos elevouse ata os 23, tras rexistrarse este martes tres novas vítimas. Os últimos falecidos son un home de 83 anos no Hospital da Costa, outro de 61 ingresado no Chuac da Coruña e unha muller de 91 anos ingresada no Chuf de Ferrol. Os tres tiñan patoloxías previas.
Do total de pacientes positivos, 54 permanecen na Uci, 337 están en unidades de hospitalización e 983 non domicilio. Ademais, o número de test PCR realizados na comunidade é de 6.741.
