Galicia detectou 873 contaxios de covid-19 nas últimas horas, 197 menos que o día anterior, o que eleva a 12.692 as persoas infectadas de coronavirus na comunidade, con 52 enfermos de covid-19 en Uci, tres máis que un día antes.
Desde o inicio da epidemia contaxiáronse na comunidade 202.195 persoas, das que se recuperaron 186.835 e faleceron 2.706, sete delas notificadas nas últimas horas.
Segundo os datos do Servizo Galego de Saúde, ata as 18:00 horas do luns había nos hospitais da comunidade 293 persoas, unha máis; delas, 241 en planta, dúas menos, e 52 nas unidades de críticos, tres máis.
A porcentaxe de ocupación de camas Uci en Galicia por enfermos de covid-19 es do 6,1 %, mentres que a media de España é do 12,6 %, o dobre.
Con todo, na incidencia acumulada o crecemento en Galicia é maior que o da media e chega a 444,9 casos por cada cen mil habitantes a dúas semanas -61 puntos máis que o sábado- e a 237,6 casos a sete días, o indicador adiantado.
No conxunto de España a incidencia a 14 días é 381,2 casos e a unha semana de 197,6 casos.
Por áreas sanitarias, a de Vigo superou xa os 4.000 casos, un terzo de toda Galicia; mentres que a de Ourense sitúase próxima aos 3.000 casos.
No extremo oposto, as de Ferrol e Lugo apenas rexistran 501 casos e 802, respectivamente.
