A comunidade rexistraba 22.395 infectados por coronavirus ata as 18.00 horas do xoves, menos dun centenar respecto ao día anterior (82), co que xa son varios días de descensos pouco significativos do número total de infectados, que seguen reducíndose nos hospitais e xa son menos de 500.
Os contaxios diarios mantéñense respecto ao día anterior, cunha lixeira subida (+6), e chegan aos 1.682, 700 menos que hai unha semana.
Segundo o Servizo Galego de Saúde, ata as 18.00 horas do xoves había nas unidades hospitalarias de críticos 25 pacientes de covid-19, o mesmo número que un día antes; mentres que en planta había 461, 23 persoas menos; o que deixa o número total en 480 persoas ingresadas, 23 menos.
Desde o inicio da pandemia contaxiáronse en Galicia 444.111 persoas, das que se recuperaron 468.679 e faleceron 3.090, catro destas mortes notificadas nas últimas horas.
