Galicia continuará este luns en alerta amarela debido a que a influencia das borrascas provocará ondas de entre 4 e 5 metros de altura na costa. As choivas serán especialmente persistentes no oeste da provincia da Coruña e no norte da de Pontevedra.
Segundo informa Meteogalicia, está activa a alerta amarela por precipitacións en 12 horas no suroeste da Coruña, por previsión de acumulación de choiva superiores aos 40 litros por metro cadrado, desde as 03.00 ata as 15.00 horas.
En canto ao mar, hai aviso amarelo durante todo o día, desde as 00.00 ata as 24.00 horas, no litoral da Coruña e de Pontevedra, por ondas que poderían situarse entre os 4 e 5 metros.
