Os servizos sanitarios de urxencia atenderon este sábado pola tarde a un home que resultou ferido leve despois de que a embarcación coa que navegaba envorcase en Baiona. Segundo os datos facilitados ao 112 Galicia, o home, que chegou nadando a terra, era o único tripulante da embarcación accidentada.
O 112 Galicia tivo constancia do ocorrido ás 17.05 horas, a través da chamada de varias persoas particulares. Indicaban no seu relato que unha lancha envorcara á altura do Castelo de Monterreal.
Acto seguido, desde o CIAE 112 Galicia pasouse o aviso a Salvamento Marítmo, ao 061-Urxencias Sanitarias, á Garda Civil e ao Servizo de Gardacostas de Galicia.
Segundo indicóuselle ao 112 Galicia, o tripulante da embarcación foi atendido no punto e descartouse o seu traslado a un centro sanitario.
