O tenro xesto dunha axente da Garda Civil que arrincou un sorriso a media España ao viralizarse a través das redes sociais ten como protagonista unha lucense. Trátase de Rosario Cabado, natural en Abadín e membro da Benemérita desde hai xa tres lustros. Vive e traballa en Canarias, onde se produciu o servizo que deu lugar á entrañable fotografía.
Ocorreu o pasado mércores. Ela e o seu compañeiro atopáronse cun coche parado na beiravía da autoestrada e unha muller que, fóra do vehículo, solicitaba axuda. Ao achegarse, viron que había tamén un home tendido no chan, tras sufrir unha indisposición. Con eles viaxaba o seu bebé, de tres meses. O nerviosismo da nai era patente, acrecentado polo pranto do pequeno, e, mentres os sanitarios atendían ao pai, entregoulle ao bebé a Rosario, que lle deu un biberón.
O seu papá sufrira un simulacro de infarto mentres conducía e a mamá estaba nerviosa. A nosa compañeira do Subsector de Tráfico da \
guardiacivil #LasPalmasGranCanaria dubido en facerse cargo do bebé e darlle para comer. Un auxilio na estrada do + peculiar#Benemérita < href="https://t.co/37Ui80BAim">pic.twitter.com/37Ui80BAim<> — Garda Civil ð???ð??? (\ guardiacivil) 9 de marzo de 2019<>
O instituto armado compartiu a imaxe nas súas redes sociais, onde acaparou miles de 'gústasme' e recibiu numerosos comentarios de apoio á Garda Civil.