O Consello Xeral do Poder Xudicial (CGPJ) investiga á xuíza de Vixilancia Penal de Lugo, María Jesús García Pérez, tras recibir unha comunicación onde se denuncia que está a colocar pasquíns nos coches para promocionar a unha vidente, que resulta ser ela. A maxistrada García Pérez le o tarot nun piso da avenida de Ramón Ferreiro e ela mesma é a que cobra os entre 15 e 20 euros da consulta. Ela négao, pero un xornalista de El Progreso asistiu en directo a unha sesión de adiviñación.
"Colócaste unha vela agora ao chegar a casa e acéndela cun misto de madeira, logo outra dentro de 15 días e unha máis o día que teñas o xuízo". Porque a pitonisa responde ao cliente sobre os seus problemas xudiciais. E atrévese a afirmar: "A Xustiza tampouco acerta moito".
A xuíza García Pérez controla os permisos de liberdade de máis de mil presos de tres prisións en Lugo e Ourense.
