O Xulgado de instrución número 5 de Vigo investiga a morte dun bebé cuxa nai deu a luz no seu domicilio nesta cidade galega, informaron a Efe fontes xudiciais.
O parto tivo lugar este luns sen a asistencia de ningún profesional e ao presentarse complicacións, dado que o bebé estaba en posición podálica, os pais solicitaron axuda ao teléfono 061 do servizo de Urxencias Médicas.
Fontes coñecedoras do caso consultadas por Efe confirman que o bebé chegou falecido ao hospital Álvaro Cunqueiro, cuxos profesionais presentaron o asunto ante os xulgados.
O Xulgado de Instrución 5 ten a intención de inhibirse no número 4 pola data dos feitos, puntualizan as fontes do Tribunal Superior de Galicia.
Os pais decidiron que o parto fóra no seu domicilio, como fixeron co seu primeiro fillo, a pesar de que o neno viña de nádegas e de que varias comadronas advertiron do risco que iso supuña.
