Un home enfróntase este xoves a un xuízo acusado de cravar presuntamente un coitelo por detrás, no municipio coruñés de Oleiros, a un compañeiro que coñecía por ser compañeiros no colexio facía catorce anos.
A sección segunda acolle a partir das 10.00 horas o proceso contra un home imputado por un presunto delito de homicidio en grao de tentativa ocorrido o 29 de setembro de 2015.
O día dos feitos o acusado atopábase en Santa Cristina cando se topou co seu compañeiro de clase de facía catorce anos e actuou, segundo di a Fiscalía no seu escrito de acusación, porque "o miraba mal".
O presunto autor dos feitos subiu á súa vivenda e fíxose cun coitelo de quince centímetros, que cravou polas costas, á altura do pulmón, á vítima que escapou "sendo seguido polo procesado, co coitelo na man", ata que logrou refuxiarse nun bar da zona.
Todos estes feitos xunto coa ferida incisa de dous centímetros no hemitórax esquerdo supoñen un presunto delito polo que a Fiscalía, que entende que concorre a atenuante de alleamento mental, pide sete anos de prisión.
Solicita, ademais unha de indemnización de 11.817 euros; 1.500 euros polas lesións causadas, trescentos polas secuelas, 10.000 polo dano moral causado e dezasete máis polos danos ocasionados.
Xulgan a un home por cravar un coitelo a outro polas costas en Oleiros
O acusado, que coñecía á vítima por ser compañeiros no colexio, actuou porque "o miraba mal"
