A empresa Acteco, cuxa nave de xestión de residuos situada en Arteixo ardeu debido a un incendio declarado a última hora do sábado, alugou unhas instalacións no polígono coruñés de Sabón para proseguir coa súa actividade.
Así o confirmou o alcalde de Arteixo, Carlos Calvelo, que explicou que a empresa afectada polo incendio atopou unha nave para alugar para proseguir de xeito "inminente" a súa actividade na zona.
Pola súa banda, os Bombeiros de Arteixo seguen coa vixilancia periódica de puntos que "botan algo de fume" na nave calcinada xa que "segue habendo un pequeno punto de combustión". No entanto, o alcalde aclarou que non hai "perigo nin posibilidade de que vaia a máis".
Preguntado sobre as causas, o rexedor afirmou que ve "moi difícil" saber cales foron os motivos. Respecto diso, recordou que a Garda Civil e os bombeiros investigan o incendio para tratar de esclarecer a orixe do lume.
A empresa cuxa nave ardeu en Arteixo prosegue a súa actividade tras alugar outras instalacións
Os bombeiros continúan vixiando a zona, xa que aínda hai "un pequeno punto de combustión"
