Loquillo, Dyango e Café Quijano encabezan o cartel do Stella Maris Season Fest, un festival que se celebrará os días 3, 4 e 5 de agosto en Praia América de Nigrán, en Pontevedra. Nun comunicado, a organización explica que esta iniciativa nace por mor da "gran acollida" que tivo o concerto de Stella Maris e Pablo Milanés en 2017, ao que acudiron unhas 6.000 persoas.
Así, o festival busca reunir a públicos de distintas idades e gustos nun gran escenario pegado ao mar e con propostas musicais "de calidade". Ademais dos concertos de Loquillo Dyango e Café Quijano, outros grupos actuais de pop e sesións de distintos Djs compaxinaranse con actividades para toda a familia durante tres días.
