Unha veciña de Lugo de 33 anos, ao volante dun BMW 320, batía este domingo a marca das alcolemias en Galicia ao arroxar un resultado de 2 miligramos por litro de aire respirado, multiplicando por oito a taxa máxima permitida.
Na primeira proba arroxou un resultado de 1,86 miligramos por litro de aire. Con todo, a segunda elevou a cifra ata os 2 miligramos, o que indica que bebera alcol moi recentemente
A muller foi interceptada tras alertar outros condutores da súa presenza e do temerario da súa condución cando circulaba pola Tercera Ronda e A Zapateira. Segundo recolle El Ideal Galego, "non paraba de cambiar bruscamente de carril e invadiu en varias ocasións o sentido contrario da circulación".
Unha patrulla saíu ao encontro da lucense, á que deron o alto en Afonso Molina, cerca do centro comercial Alcampo. Seguindo o relato do diario coruñés, aínda que os axentes detectaron claramente que estaba ebria, "non creron nun primeiro momento que a súa intoxicación fose tan grave" como demostraría o alcolímetro. Na primeira proba arroxou un resultado de 1,86 miligramos por litro de aire. Con todo, a segunda elevou a cifra ata os 2 miligramos, o que indica que bebera alcol moi recentemente e o seu corpo aínda o estaba dixerindo.
Deste xeito, a moza superaba por oito a taxa máxima permitida e convertíase no maior positivo na estrada que se deu en Galicia. Ata agora, a marca estaba en mans dun camioneiro que, en 2017, arroxou un positivo de 1,69 mg/l.
