Máis de 200 incidencias vinculadas ao San Xoán
24 de junio de 2018 (12:33 h.)
As chamadas producíronse por fogueiras descontroladas, pelexas e vandalismo e solicitude de asistencia médica por inxesta de alcol
O Centro Integrado de Atención ás Urxencias 112 Galicia rexistrou 217 incidencias vinculadas á celebración da noite de San Xoán en Galicia. Foron 92 as chamadas da provincia da Coruña, 87 as de Pontevedra, 20 as de Ourense e 18 as de Lugo.
Os municipios con máis intervencións foron A Coruña, Vigo, Nigrán, Santiago, Oleiros, Redondela e Carballo.
As chamadas producíronse por fogueiras descontroladas ou sen autorización, solicitude de asistencia médica por inxesta de alcol e requirimento das forzas e corpos de seguridade do Estado por mor de pelexas e vandalismo, engade o 112.