Un home de 41 anos faleceu ao sufrir unha caída coa súa moto fronte ao cuartel da Policía Nacional da cidade da Coruña, segundo informaron os servizos de urxencia.
O accidente tivo lugar minutos antes das 17.00 horas deste venres. Segundo o relato de Urxencias Sanitarias 061, o motorista foise ao chan e acabou impactando coa mediana.
Alertados por varios particulares que chamaron á central do CIAE 112 Galicia, Urxencias Sanitarias 061 enviou ao lugar unha ambulancia asistencial e outra medicalizada.
Con todo, os efectivos sanitarios desprazados ao momento non puideron facer nada pola vida do home, que faleceu no acto.