Un total de 47 persoas morreron nas estradas galegas desde principios deste ano, o que supón un 20,5% máis que un ano antes, cando nos seis primeiros meses de 2018 houbo 39 falecidos en accidentes de tráfico. Tamén se rexistraron máis sinistros, 44 este ano fronte aos 38 de 2018, segundo informa este luns a Dirección Xeral de Tráfico.
Por provincias, A Coruña presenta a peor evolución da sinistralidade viaria, con 20 vítimas mortais no que vai de ano 2019; seguida de Pontevedra, con doce; Lugo, con sete e Ourense, con cinco.
En canto ao pasado mes de xuño, o número de vítimas mortais foi de cinco, un 58,3% menos que o mesmo mes de 2018, cando doce persoas perderon a vida en once sinistros, seis máis que os ocorridos neste ano.
Dos cinco accidentes rexistrados o pasado xuño, catro foron por colisión e un por saída de vía.
As vítimas mortais tiñan máis de 25 anos e unha delas máis de 65.
