A Policía Nacional investiga as causas da morte de dúas persoas, nai e fillo, que tivo lugar sobre a unha da tarde, na cidade de Ourense, despois de que estas se precipitaran desde o alto dunha pasarela á estrada da N-120 situada nas inmediacións da estación de autobuses.
O suceso ocorreu sobre as 13,00 horas deste luns nunha zona moi próxima á estación na cidade das Burgas e, segundo confirmaron fontes municipais, trataríase de nai e fillo, de 70 e 27 anos de idade, respectivamente.
A este respecto, o alcalde de Ourense, Gonzalo Pérez Jácome, trasladou a súa "consternación" polo ocorrido e confirmou que as forzas de seguridade están a traballar para esclarecer "as circunstancias" nas que se produciu "o tráxico" episodio.
Este suceso obrigou a cortar ao tráfico o paso subterráneo da N-120.
