O Obispado de Santiago de Compostela invitou a retirar a auga bendita das igrexas e a evitar o bicamans e calquera forma de contacto físico nos templos como medida de prevención para evitar a propagación do coronavirus.
Nun comunicado baseado nas directrices das autoridades administrativas e relixiosas, aconsella "evitar dar a man e outras formas de contacto físico no rito da paz" e engade que "é posible prescindir deste rito nestas circunstancias".
Tamén exhorta a que "os sacerdotes e ministros extraordinarios que distribúen a comuñón durante a eucaristía se lavenas mans antes e despois deste momento".
Ademais, aconsella aos sacerdotes que "teñan un esprai ou líquido desinfectante nas sancristías e o usen antes de celebrar os actos de culto".
O Obispado compostelán recomenda, así mesmo, que "as mostras de devoción e afecto cara ás imaxes", especialmente en Coresma e Pascua, sexan "substituídas por outras como a inclinación de cabeza ante as imaxes sacras".
Engade que "é necesario evitar todo tipo de contacto físico con cruces, medallas, escapularios, etc. que xa sexan bicadas por outros fieis, facilitando, ademais, unha maior rapidez que evite aglomeracións innecesarias" como medida preventiva.
"Os bispos da provincia eclesiástica de Santiago de Compostela participamos da crecente preocupación, os temores e ansiedades da poboación pola rápida propagación do coronavirus a nivel mundial", apunta a nota.
