O secretario xeral de Podemos e candidato á presidencia do Goberno por Unidas Podemos, Pablo Iglesias, participará este xoves en varios actos en Galicia, no que será o día central da campaña da coalición galega En Común-Unidas Podemos.
Iglesias asistirá de madrugada á poxa de peixe na lonxa da Coruña.
Tras iso, ás nove da mañá reunirase co Comité de empresa de Navantia na comarca de Ferrol e despois ás dez participará na manifestación impulsado polos traballadores dos estaleiros, á que tamén se sumarán os empregados da empresa Poligal.
O acto central da xornada será este xoves ás 12.30 horas nun mitin no auditorio Mar de Vigo, informou a coalición nun comunicado.
Xunto a Iglesias intervirán no acto de Vigo os candidatos ao Congreso polas provincias de Pontevedra, Yolanda Díaz, A Coruña, Antón Gómez-Reino, Lugo, Vanessa Somoza, e Ourense, Ledicia Piñeiro.
Así mesmo, está prevista a participación dos candidatos das catro provincias galegas ao Senado, o candidato á alcaldía de Vigo, Rubén Pérez, e a coordinadora de Esquerda Unida Galicia, Eva Solla.
