martes. 21.01.2020 |
El tiempo
martes. 21.01.2020
El tiempo

A Policía Nacional impide o suicidio dun home en Vigo agarrándoo da roupa

Os axentes e o home rescatado en Vigo. POLICÍA NACIONAL
Os axentes e o home rescatado en Vigo. POLICÍA NACIONAL
A chamada a un achegado fixo saltar as alarmas. Un dos policías suxeitouno pola capucha do chándal cando ía a caer á auga e ambos quedaron suspendidos no aire

Axentes da Policía Nacional evitaron este venres o suicidio dun veciño de Vigo de 46 anos que intentaba quitarse a vida nunha dársena próxima aos estaleiros de Barreras. Foi nunha "complicada e rápida intervención contrarreloxo", na que un policía chegou a agarrar o home pola capucha cando se tiraba á auga e viuse arrastrado co peso. Ambos quedaron "suspendidos no aire", e outros axentes conseguiron agarrar o seu compañeiro polos pés.

Atendendo á información divulgada polo corpo, a alerta activouse cando, ás 18.42 horas, recibiuse unha chamada na sala de urxencias do 091 a través da que unha persoa comunicaba que un achegado a acababa de chamar para despedirse. Unha foto que lle envía permitiu identificar a zona na que se atopaba.

Alertadas as patrullas, diríxense ao lugar dúas dotacións para intentar localizalo e, coa axuda de lanternas, atoparon o home nun dos diques na avenida de Beiramar. Tras intentar sen éxito convencelo, e cando ven que comeza a camiñar cara á beira do dique, os catro axentes que se atopaban alí correron cara a el. Chegaron xusto cando saltou ao mar, polo que un dos axentes agarrou pola capucha do chándal ao home, que estaba atado de pés e mans e tiña unha soga. Co peso do home, o policía estaba a ser arrastrado cara á auga, o que evitan os seus tres compañeiros suxeitándoo polas pernas.

Con todo, a roupa pola que o suxeitaban rompeu e o home quedou suspendido. Así as cousas, dous dos axentes decidiron descolgarse polo dique e ataron un salvavidas ao corpo do home. Cortaron a corda que o suxeitaba e caeu á auga, pero mántivose aboiando co salvavidas. Un dos policías descolgouse do dique suxeitado polos outros compañeiros para poder tirar da corda do salvavidas e levárono á beira.

Mentres esperaban a ambulancia, o home empezou a sufrir síntomas de hipotermia, polo que foi necesario metelo no coche, sacarlle a roupa mollada, tapalo con matas e porlle roupa do seu uniforme que levaban de abrigo. Unha vez chegada a dotación sanitaria, o home foi trasladado ao Hospital Álvaro Cunqueiro de Vigo.

A Policía Nacional impide o suicidio dun home en Vigo agarrándoo da...